Spektakël në Velodrome, tifozët e Marseille mahnitin me koreografi të frymëzuar nga Beattles

Atmosferë e jashtëzakonshme u krijua në stadiumin Velodrome para përballjes mes Marseille dhe Liverpool, ku tifozët vendas dhuruan një nga koreografitë më të veçanta të sezonit. Tribunat u mbuluan nga një tifo gjigante e frymëzuar nga grupi legjendar Beatles, duke tërhequr menjëherë vëmendjen e publikut dhe mediave ndërkombëtare. Koreografia paraqiste katër anëtarët e Beatles duke lexuar një gazetë, ku mesazhi simbolik lidhej me historinë dhe krenarinë e klubit francez. Një kombinim arti, muzike dhe futbolli, që përcolli identitetin unik të tifozërisë së Marseille dhe pasionin e tyre për skuadrën. Momenti u shpërnda me shpejtësi në rrjetet sociale dhe u vlerësua gjerësisht, edhe nga tifozë neutralë, si një nga tifot më kreative të viteve të fundit në arenën evropiane. Përballë një kundërshtari historik si Liverpooli, Marseille zgjodhi të dërgojë një mesazh të fortë që përpara fillimit të ndeshjes. Kjo koreografi konfirmon edhe një herë se Velodrome mbetet një nga stadiumet më të zjarrta në Evropë, ku futbolli shndërrohet në spektakël që nis shumë përpara fishkëllimës së parë.