Sonte zhvillohet ndeshja e mbetur e La Ligas mes Atletico Madrid dhe Levantes, mund ta ndiqni ekskluzivisht në Artmotion

Para spektaklit të UEFA Champions League, me dy ndeshjet e radhës që vijnë nga ora 21:00, futbolli në Artmotion starton pak më herët me një ndeshje shumë interesante nga La Liga spanjolle. Dueli i mbetur, që është dashur të zhvillohet në raundin e 21-të të garave, mes Atletico Madrid dhe Levantes do të zhvillohet sonte (e mërkurë) duke nisur nga ora 19:00 dhe do të transmetohet në Art Sport 2 nën komentimin e Arbon Flugajt. Atletico Madrid këtë edicion nuk po ka performancë të mirë teksa renditet e pesta me 39 pikë të grumbulluara, por me një fitore do të kalonte Barcelonën dhe do t’i afrohej në vetëm një pikë skuadrës së tretë në tabelë, Real Betisit. Nga ana tjetër, Levante është në pozitën e fundit të elitës së futbollit spanjoll me vetëm një fitore në 23 ndeshje dhe nëse nuk arrin të rrëmbejë pikë në këtë ndeshje do të mbetet shumë mbrapa në luftën për mbijetesë dhe në teori gjasat për të mbetur në La Liga do të zvogëloheshin ndjeshëm.