Sonte futboll e basketboll në Artmotion veç për meraklinjtë e sportit

Skema programore e plaformës më të madhe televizive, Artmotion, do të jetë e mbushur me plot aktivitete sportive. E marta, do të sjell emocione futbollistike e basketbollistike, enkas veç për meraklinjtë. Show nis me fillim nga ora 16:00, me ndeshjen e Youth League (liga e të rinjve), ku do të ndeshen Stuttgarti dhe Barcelona. Kjo ndeshje transmetohet në Sport 3, me komentim të Lirim Pecit, njofton Klankosova.tv Ora 19:00, është e rezervuar për basketboll. Dy ndeshje të Superligës do të zhvillohen njëkohësisht. Në kanalin e dytë sportiv të Artmotion do të jepet ndeshja në mes të Yllit dhe Vëllaznimit, me komentim të Agon Fehmiut. Kurse, përballja tjetër Bora - Prizreni, do të transmetohet në Sport 3. Por, kjo nuk është e gjitha. Sonte sytë janë kah ngjarja kryesore e mbrëmjes. Ajka e së martës vjen me derbin "Della Madonnina". Milan dhe Inter, nga ora 21:00 do të kenë goxha për të diskutuar në fushën e blertë. Artmotion sjell ekskluzivisht gjysmëfinalen e Coppa Italia, në Sport 1. Komentimi i këtij derbi do të bëhet nga Andin Lokaj.