Smaka: Duhet të rishikohet Kushtetuta

Riza Smaka nga Aleanca për Ardhmërinë e Kosovës ka marrë pjesë në Magazinën Zgjedhore në Klan Kosova ku ka përfaqësuar koalicionin PDK-AAK-Nisma, dhe ka prezantuar programin e tyre për sistemin e drejtësisë. Ai ka theksuar faktin se Kushtetuta e Kosovës duhet të rishikohet në disa elemente, njofton Klan Kosova. “Kushtetuta e Kosovës është dashur të rishikohet me një vlerësim kritik”, pohoi Smaka. “Do të bëjmë një propozim për ndryshime dhe modifikime të Kushtetutës dhe do të bëjmë gjykatën administrative çka do të ndihmonte në lehtësimin e lëndëve”. “Shteti i së drejtës do të bëhet atëherë kur ligjet do të aplikohen, ato që janë, të mira, ose të këqija, por ato që janë të aplikohen”.

klankosova.tv