Skitari Drin Kokaj e rendit Kosovën të pestën në garat ndërkombëtare FIS në Rumani

Federata e Skitarëve të Kosovës ka bërë të ditur se Drin Kokaj, ka përfaqësuar me krenari Kosovën në garat ndërkombëtare FIS në Rumani, ku morën pjesë 11 shtete. Në njoftimin e lëshuar në Facebook thuhet se Kokaj e përmirësoi rezultatin e tij olimpik në disiplinën e Sllallomit (SL). " E renditi Kosovën në vendin e 5-të, ndër më të mirat në garë. Theu rekordin e tij personal dhe vendosi rekord të ri Olimpik për Kosovën në kategorinë e meshkujve me 78.33 pikë" "Me këtë rezultat, ai konfirmon për herë të dytë normën për pjesëmarrje në Lojërat Olimpike Dimërore “Cortina 2026”, të cilën e kishte arritur për herë të parë në dhjetor", thuhet në njoftimin e federatës.