Skandali “Panama Papers”, Kina akuzon Perëndimin

Autoritet në mbarë botën kanë hapur hetime për aktivitete të fshehta bankare që u zbuluan me skandalin “Panama Papers”, ku u shfaqen milionat e fshehur të politikanëve e njerëzve të fuqishëm të botës në kompanitë offshore – kompani që operojnë në vene ku nuk ka taksa, shkruan Reuters, përcjellë Klan Kosova. Në mesin e këtyre emrave janë edhe të afërm të Presidentit rus Vladimir Putin dhe të afërm të liderëve të Kinës, Britanisë, Islandës e Pakistanit. Po ashtu edhe presidenti i Ukrainës. Megjithatë mediat në Kinë e kanë raportuar vetëm pjesërisht këtë skandal. Televizionet kineze kanë denoncuar kolegët e tyre në Perëndim se kjo është një fushatë kundër liderëve të lindjes dhe në veçanti Azisë. Kurse udhëheqësit e kompanisë Mossack Fonseca, nga e cila rrodhën të dhënat, kanë thënë se ata operojnë në mënyrë të ligjshme me 240.000 klientë në mbarë botën dhe kjo që ka ndodhur është shkelje e privatësisë. Madje, sipas tyre, mediat e kanë keqkuptuar veprimtarinë e kompanive si Mossack Fonseca dhe kanë bërë raportim të gabuar.

klankosova.tv