Cikli i ujit në botë po bëhet gjithnjë e më i çrregullt, duke u lëkundur midis përmbytjeve shkatërruese dhe thatësirës, sipas një raporti të ri nga Organizata Botërore Meteorologjike (OBM).
Ai detajon se si tkurrja e akullnajave, thatësirat, pellgjet e lumenjve të pabalancuara dhe përmbytjet e rënda në vitin 2024 janë një shenjë se si ndryshimet klimatike po i bëjnë burimet ujore gjithnjë e më të paparashikueshme.
“Uji mbështet shoqëritë tona, fuqizon ekonomitë tona dhe ankoron ekosistemet tona”, tha Sekretarja e Përgjithshme e OBM-së, Celeste Saulo, në një njoftim për shtyp, raporton “Euronews”, transmeton Klankosova.tv.
“E megjithatë, burimet ujore të botës janë nën presion në rritje dhe, në të njëjtën kohë, rreziqet më ekstreme që lidhen me ujin po kanë një ndikim në rritje në jetë dhe jetesë”, u shpreh ajo.
Për të tretin vit radhazi, çdo rajon akullnajor raportoi humbje akulli. Në total, akullnajat në mbarë botën humbën 450 gigatonë akull. Kjo është ekuivalente me një bllok të madh akulli 7 kilometra të lartë, 7 kilometra të gjerë dhe 7 kilometra të thellë ose ujë të mjaftueshëm për të mbushur 180 milionë pishina olimpike.
Ky shkrirje akulli shton rreth 1.2 milimetra në rritjen globale të nivelit të detit në një vit të vetëm, duke kontribuar në rrezikun e përmbytjeve për qindra miliona njerëz që jetojnë në zonat bregdetare. /Klankosova.tv
●●●
ASHKRIMI NGA
A
Editorial nga Klan Kosova — ndjek lajme dhe zhvillimet e tjera kryesore të vendit.
