Sipas autopsisë, Astrit Dehari është vetëvrarë (VIDEO)

Rezultatet e autopsisë për aktivistin e vdekur në burg të Lëvizjes Vetëvendosje, Astrit Deharin, kanë dalur dhe sipas tyre ai është vetëvrarë nga dëmtimet e vet-shkaktuara, njofton Klan Kosova. Dehari, sipas autopsisë, i ka shkaktuar vetës asfiksi mekanike. Lajmin e ka bërë të ditur Sylë Hoxha, kryeprokurori i Prokurorisë së Prizrenit. "Në këtë fazë të hetimeve nuk është gjetur asnjë provë apo dëshmi e jashtme që mund të ketë shkaktuar vdekjen e Deharit". "Vdekja është vetshkaktuar dhe është përcjellë edhe me gjakderdhje të jashtme". "Deritash nuk ka as të dyshuar". "Që i bie se ky rast është vetëvrasje". Astrit Dehari, ish-aktivisti i Lëvizjes Vetëvendosje ka ndërruar jetë me 5 nëntor 2016, në Qendrën e Paraburgimit në Prizren. Ai dyshohej se ishte përfshirë në sulmin që iu bë Kuvendit të Kosovës  më 4 gusht 2016, ndërsa prej 68 ditësh po mbahej në paraburgim. Më poshtë është deklarata e plotë e kryeprokurorit Sylë Hoxha.

klankosova.tv