Sindikata e Punëtorëve të RTK-së dënon sulmin e mbrëmshëm

Sindikata e Punëtorëve e RTK-së e ka dënuar shpër sulmin e mbrëmshëm ndaj transmetuesit publik , ku persona të panjohur kanë sulmuar objektin e RTK-së, me granatë dore me saktësisht vendin ku janë të vendosur transmetuesit e valëve dhe gjeneratorët rreth orës 22:00.

"Në kohën kur ka ndodhur ky shpërthim, shumë nga kolegët tanë ishin në vendet e tyre të punës dhe fatmirësisht të gjithë kanë shpëtuar. SPERTK dënon fuqishëm këtë akt të shëmtuar të këtyre personave dashakeq, i cili është i drejtuar ndaj të ardhmes së RTK-së dhe gjithë vendit"

"SPERTK kërkon nga organet e hetuesisë, që sa më parë të zbardhin këtë akt qyqarë të drejtuar ndaj mediumit të vetëm publik RTK.  SPERTK nuk dëshiron të paragjykoj motivet e këtij sulmi, por i dënon të gjitha sulmet fyerjet, të cilat po bëhen kohës së fundit në adresim të RTK-së", thuhet në reagimin e kësaj sindikate, transmeton Klan Kosova.