Simeone pas eliminimit në gjysmëfinale: Arsenali ishte më i mirë, por kjo nuk është fundi ynë

Trajneri i Atletico Madrid, Diego Simeone, nuk e fshehu zhgënjimin pas eliminimit në gjysmëfinale të Champions League nga Arsenali, duke pranuar superioritetin e kundërshtarit në dy ndeshjet. Atletico dështoi të fitonte asnjërën ndeshje të një gjysmëfinaleje të madhe evropiane për herë të parë që nga sezoni 1998-99 në Kupën UEFA ( kundër Parmës), dhe vetëm për herë të dytë në Kupën Evropiane/Ligën e Kampionëve, pasi humbi të dyja ndeshjet kundër Real Madridit në sezonin 1958-59. “Duhet të pranojmë realitetin. Arsenali ishte më i mirë në të dyja takimet. Ne kishim momentet tona, por nuk ishim të saktë para portës dhe në këtë nivel kjo të ndëshkon”, u shpreh Simeone. Ai theksoi se humbja është e rëndë për skuadrën, por jo fundi i rrugëtimit të tyre: “Jemi të zhgënjyer, sepse donim finalen. Megjithatë, kjo skuadër ka karakter dhe do të rikthehet më e fortë.” Në fund, Simeone vlerësoi edhe paraqitjen e Arsenalit, duke theksuar se londinezët treguan pjekuri dhe cilësi në momentet vendimtare, kurse skuadra e tij nuk ishte cinike.