Lajmet e fundit
Me kalimin e viteve, pamja dhe karakteristikat e lëkurës ndryshojnë. Plakja e lëkurës përshpejtohet në ato zona të lëkurës të ekspozuara nga dielli, një proces ky i njohur si plakje nga dielli (photoageing). Photoageing ndodh si shkak i dëmtimit të lëkurës nga valët e shkurtra UVB në pjesën e jashtme të lëkurës, nga valët më të gjata UVA në pjesën e dermës dhe nga rrezatimet infra-red në shtresën më të thellë të lëkurës. Dëmtimi i qelizave ndodh si rezultat i formimit të lidhjeve me oksigjenin. Dr. Shk. M Blerta Gjoni shpjegon se plakja e lëkurës është më e shprehur në fytyrë dhe qafë dhe mund të ndodhë që në mosha shumë të reja në ata njerëz që rrinë shumë kohë jashtë, sidomos ata me fytyrë të bardhë.
Kush konsiderohet faktor për plakjen e lëkurës?
Dëmtimet nga dielli çojnë në shfaqjen e rrudhave të vogla, hiperpigmentim dhe ndryshime në elasticitetin e lëkurës. Shtresa e sipërme e lëkurës apo epiderma hollohet dhe lëkura çahet dhe ashpërsohet më lehtësisht. Lëkura ndihet e thatë për shkak se ajo është më pak e aftë për të mbajtur ujin. Dëmtimi i proteinës elastine në pjesën e brendshme të lëkurës (dermes) çon në formimin e heliozave (si gunga të verdha të trashura në lëkurë). Derma e humb elasticitetin dhe është më e dobët se normalisht. Në lëkurat e ekspozuara shumë në diell ka një hiperaktivitet të melanociteve që çojnë në rritje të pigmentimit të lëkurës dhe çojnë në formimin e njollave ngjyrë kafe, lentigo dhe formimin e njollave të bardha. Plakja e lëkurës është gjithashtu shumë më e shprehur edhe te moshat mbi 50-vjeç, kryesisht tek seksi femër pasi ndërthuret edhe me ndryshimet hormonale që fillojnë të ndodhin në këtë moshë. Rrezatimi Ultraviolet në prani të rrezeve të diellit çon në oksidim, jonizim dhe ndryshime gjenetike në komponentët qelizorë, përfshirë dhe ADN. Ajo gjithashtu ka efekte të thella në sistemin imunitar të lëkurës gjë që duhet të sensibilizohen më shumë pasi mund të ndodhin edhe fenomene të ndryshimit të lëkurës me format e saj atipike, të çrregullta, të dyshimta siç mund të jenë procese tumorale të lëkurës.
Cilat mund të jenë format më të shprehura të sëmundjeve të lëkurës në këtë fillim veror?
Njollat kafe në lëkurë të diagnostikuara si melasma, janë problem madhor për femrat dhe ndikojnë mjaft në cilësin e jetës së tyre. Shkaktohet nga faktorë të ndryshëm që mund të jenë ekspozimi i pambrojtur në diell, disbalancat hormonale, shtatzënia, përdorimi i kontraceptivëve oral ose hormoneve, disa medikamenteve si antibiotikët ose antihipertensivët të përdorur veçanërisht gjatë verës. Kjo sëmundje mund të lidhet edhe me faktorin gjenetik pra predispozitë familjare. Ka raste dhe s’janë të pakta edhe reagimet që mund të kenë produktet kosmetike në lëkura që kanë problem ose diagnostikohen si alergjike ose sensibël.
Konsula tek dermatologu për trajtime në kushte shtëpie të fytyrës sa e vlefshme është?
Është një pyetje me vend në praktikën tonë gjejmë pacientë që përdorin si kremërat si maskat të marra nga farmacitë ose edhe në ambiente të tjera pa u konsultuar më parë me dermatologun. Analizimi i lëkurës me skin analyzer, anamemesa (pyetësor specifik i kryer nga mjeku) ekzaminimi dhe dhënia e trajtimit duhet të bëhet nga dermatologu. Trajtimi i efekteve alergjike të përdorimit të maskava jo të përshtashme në fytyrë shpesh është shumë i vështirë, kërkon kohë e ka kosto për pacientin. Rekomandohet të këshillohemi dhe të zgjedhim produktet kozmetike ose të kryejmë procedura të tjera vetëm pas konsultës me mjekun dermatolog.
Cilat janë metodat, procedurat dhe trajtime që kryhen në këtë periudhë nga dermatologët?
Në varësi të gjendjes së pacientit përcaktohet nga mjeku dermatolog një skeme trajtimi e personalizuar si dhe intervalet e kryerjes së mesoterapisë.
Mesoterapia është një procedurë shumë e përhapur sot në mjekësine estetike që nënkupton aplikimin e produkteve të ndryshme nëpërmjet injeksioneve në lëkurë. Përdoret gjërësisht për të ruajtur një ushqyerje dhe hidratim sa më të mirë të lëkurës e veçanërisht fytyrës e dekoltesë.
Mesoterapia është një procedurë që e kryer nga mjekë të kualifikuar nuk shoqërohet me rreziqe anësore. Koha e trajtimit është e shkurtër. Vetëm në rastet e aplikimit të koktejeve vitaminoze në lëkurën e fytyrës e dekoltesë mund të vërehen për 2-3 ditë shenjat e lehta të mikro injeksioneve në këto zona, ndaj preferohet të kryhet kjo terapi gjatë fundjavës. Terapia anticelulit dhe e trajtimit të flokëve vazhdon të kryhet edhe në këtë periudhë kohe.
Ka edhe raste kur pacienti mund të jetë alergjik ndaj ndonjë përbërësi të koktejit të injektuar gjë e cila mund të shoqërohet me shfaqjen e dermatitit alergjik nga trajtimi, por kjo është e trajtueshme nga mjeku dermatolog.
Çfarë është ky peeling kimik në verë dhe çfarë efektesh jep në lëkurë?
Efikasitet të lartë realizojnë procedurat e kryera nga mjekët dermatolog, siç është peeling kimik që trajtojmë probleme të ndryshme ose rinovim të lëkurës në fytyrë, qafë, dekolte e duar. Duke qenë se këto kanë qënë gjithmonë trajtime specifike të përdorura në një periudhe kohe të caktuar, siç është fund vjeshtë dhe deri ne pranverë. Tani mjekëve dermatologe u është ofruar mundësia e përdorimit të peeling kimik edhe në periudhën e verës. Ky trajtim i ri vjen si rezultat i formulave të reja në përbërje të peeling, që nuk ka efekt exfoliac dhe nuk rriskion të zbulojmë lëkurën e re nën rrezet e diellit, që sa vijnë e janë më të forta.
Përdorimi i këtij peeling të ri bëhet vetëm nga mjekët dermatologë që kanë bërë trajnime brenda dhe jashtë vendit vetëm për mënyrën e aplikimit të veçantë për përgjeshmërinë dhe kushtet adekuate ku duhet pacienti të trajtohet. Përdorim të gjerë gjen edhe në sëmundjet e lëkurës si aknet vulgaris ciatrice hypertofike, hiperpigmenitmet, strijet e barkut pas shtatzënisë ose në rritje tek moshat e reja. Ndërsa për efekt lifting përdoret në fytyrë për moshat e mbi 30 vjeç për rrudhat, rinovim I qafës, dekoltesë si dhe rivitalizim të pjesëve të krahëve, pjesa e brendshme e këmbës./Shekulli
