Si i vlerëson Glauk Konjufca, Albin Kurtin e Avdullah Hotin?

Glauk Konjufca nga Vetëvendosje, ka thënë se duke parë zhvillimet në Lidhjen Demokratike të Kosovës, qëndrimet e tyre për një koalicion të mundshëm nuk janë afruar, por vetëm se janë larguar më shumë. Konjufca ka thënë se Avdullah Hoti, kandidati për kryeministër i Lidhjes Demokratike të Kosovës “është një ministër i dështuar”. “Hoti nuk është asgjë më shumë sesa një ministër i një koalicionin LDK-PDK, i cili ka qenë koalicion i dështuar”. “Hoti është një ministër i një qeveri të dështuar”. “Një qeveri e cila aspektin ekonomik, akseptin e punësimit dhe atë të varfërisë nuk i ka prek fare, për këtë kemi një eksod të të rinjve nga Kosova”. “Pra unë mendoj se kjo ka qenë qeveri e mërgimit. Dhe njëri prej ministrave kryesor ka qenë Hoti. Po të kishte qenë kjo Qeveri e suksesshme, do të mburrej edhe ai, në të kundërtën nuk ka për çfarë të mburret”. Konjufa këto komente i ka bërë në një lidhje direkte për Info magazine të Klan Kosovës, derisa ka thënë se Kurti është kandidati më i mundshëm për kryeministër  në partinë e tyre. “Albin Kurti është një lloj i liderit i cili ka ushqyer shpresa të vazhdueshme te populli i Kosovës dhe ka shkuar vazhdimisht në rritje”. “Është një njeri i cili e mishëron një lloj të drejtësisë së natyrshme në shpirtin e tij – gjë që është shumë e rëndësishme për një lider të ardhshëm”.

klankosova.tv