“Si e themi në Kosovë, Mirmrama” – kështu e nisi Dua Lipa fjalimin në Këshillin Atlantik (VIDEO)

Dua Lipa e ka nisur fjalimin e saj në Këshillin Atlantik në Amerikë, në gjuhën shqipe. Ndërsa doli në skenë për të folur rreth Kosovës, ajo përshëndeti të pranishmit duke thënë: “Siç e themi në Kosovë, Mirmrama”, njofton Klankosova.tv. Këngëtarja me origjinë shqiptare, jashtëzakonisht e famshme në botë, ka shprehur mirënjohje për çmimin që morri duke thënë se ia dedikon të rinjve të Kosovës. Lipa mes tjerash foli për atdheun me shumë emocion, duke thënë: “A nuk do të ishte e përshtatshme nëse Kosova do të mund të zinte vendin e saj brenda atij bashkimi paqësor, të lulëzonte ekonomikisht përkrah fqinjëve tanë dhe të shëronte dhimbjen e konfliktit? Me këtë vizion në mendje, unë e pranoj këtë çmim me mirënjohje për të gjithë të rinjtë e Kosovës”. Këshilli Atlantik u ndau çmime individëve shembullorë që kanë kontribuar në misionin e këtij organi për të formësuar së bashku të ardhmen globale në një gamë të gjerë fushash. https://www.youtube.com/watch?v=UsAaPIQfaig&t=1635s