Shqipëri: Një e vdekur nga koronavirusi dhe 82 raste të reja për 24 orë

Ministria e Shëndetësisë në Shqipëri në një komunikatë për media bën të ditur se gjatë 24 orëve të fundit një 69 vjeçare nga Shkodra ka humbur jetën nga koronavirusi. Po ashtu nga 331 testime të bëra 82 raste kanë rezultuar pozitive me Covid-19. “Në 24 orët e fundit, nuk e ka fituar dot betejën me sëmundjen një 69-vjeçare nga Shkodra, e shtruar në gjendje të rëndë, megjithe trajtimin dhe perpjekjet e mëdha të stafit mjekësor. Ministria e Shëndetësisë dhe Mbrojtjes Sociale u shpreh ngushëllimet familjarëve. Vijon të ketë shtrime të reja në të dy spitalet dhe situata paraqitet serioze. Aktualisht në dy spitalet COVID, në spitalin Infektiv dhe spitalin “Shefqet Ndroqi” po trajtohen 123 pacientë, 17 në terapi intensive dhe 1 pacient është i intubuar. Gjatë 24 orëve të fundit janë kryer 331 testime për të dyshuar të prekur me COVID19, nga të cilat janë konfirmuar 82 raste pozitive. Shpërndarja gjeografike e rasteve është si vijon: 32 raste në Tiranë, nga 7 raste në Kavajë, Fier, 5 në Korçë, nga 4 raste Shkodër, Durrës, Elbasan, nga 3 raste në Krujë, Kurbin, nga 2 raste në Lezhë, Vlorë, Mirditë, Dibër, dhe nga 1 rast në Has, Lushnje, Mallakastër, Kukës, Ura Vajgurore”, u shpreh Dr. Rovena Daja nga Instituti i Shëndetit Publik. COVID-19 – Statistika (19 Korrik 2020) Testime totale 35438 Raste pozitive 4090 Raste të shëruara 2311 Raste Aktive 1667 Humbje jete 112 (Qarku Tiranë 57, Shkodër 19, Durrës 17, Fier 5, Elbasan 5, Vlorë 3, Kukës 2, Lezhë 1, Berat 1, Dibër 1, Korçë 1)./tch