Lajmet e fundit
Pesë njerëz kanë vdekur dhe qindra të tjerë janë lënduar nga shpërthimi – i përshkruar si “akti në shënjestër” – në një konvikt ushtarak në Ankara të Turqisë, transmeton Klan Kosova.
Shpërthimi i madh në kryeqytetin turk pranë kazermave ushtarake dhe ndërtesave të parlamentit, ka lënë një “numër të konsiderueshëm të njerëzve të lënduar dhe të vdekur”.
Omar Celik, zëdhënësi i qeverisë së këtij vendi, përmes llogarisë së tij në Twitter ka thënë se ky ishte një akt terrorist.
“Është e kuptueshme që vetura e shërbimit ushtarak u hodh në erë nga një bombë në një ‘akt të synuar’”.
Sipas zyrtarëve mjekësorë, më shumë se 20 autoambulanca kanë shkuar në vendin e ngjarjes.
Përdoruesit e rrjeteve sociale në Ankara thanë se dëgjuan një zhurmë të madhe rreth e rrotull qytetit.
Ata postuan fotografi të ndryshme, ku shihet tym i madh duke u rritur mbi një pjesë të qendrës së qytetit.
Vitin e kaluar më shumë se 100 njerëz kanë humbur jetën në një tjetër shpërthim terrorist në Ankara.
