Shpërthim në Ferronikel, s'ka të lënduar

Një shpërthim ka ndodh në trafo-stacionin e fabrikës së Ferronikelit, njofton Klan Kosova. Shpërthimi ka ndodh rreth orës 20:45, ndërsa mësohet se nuk ka të lënduar. Lajmin për Klan Kosovën e kanë bërë të ditur punëtorët e kësaj fabrike që tashmë gjenden në vendin e ngjarjes. I gjithë objekti i kësaj fabrike tashmë gjendet në terr. Ndërsa këtë shpërthim për Klan Kosovën e ka konfirmuar edhe Flora Ahmeti, zëdhënësja e Policisë së Kosovës për rajonin e Prishtinës. “Një trafo ka dalë prej sistemi, kjo nuk paraqet rrezik, nuk ka të lënduar – të gjitha ekipet janë në vendin e ngjarjes duke e hetuar rastin”.

klankosova.tv