Shkon në gjashtë numri i viktimave nga të shtënat me armë në Kiev

Të paktën gjashtë persona janë vrarë dhe të tjerë janë plagosur pasi një person hapi zjarr në Kiev të shtunën, thonë zyrtarët ukrainas. Incidenti ndodhi në lagjen jugore Holosiivskyi. Ministri i Brendshëm i Ukrainës, Ihor Klymenko, tha se burri, i cili jetonte aty pranë, filloi të qëllonte drejt njerëzve në rrugë dhe më pas mori peng të tjerë në një supermarket aty pranë, shkruan BBC, transmeton Klankosova.tv. Klymenko tha se sulmuesi u vra në supermarket pas një shkëmbimi zjarri me policinë. Motivi i tij është aktualisht i paqartë. Numri i saktë i viktimave mbetet gjithashtu i paqartë, por Presidenti ukrainas Volodymyr Zelensky tha se 14 persona dihet se janë plagosur, përfshirë një djalë 12-vjeçar. Ai tha se katër persona ishin vrarë në rrugë, ndërsa një grua, që mendohet të jetë rreth 30 vjeç, vdiq më vonë në spital. Sulmuesi vrau gjithashtu një peng.