Shkon në dy numri i të vdekurve nga përplasja e tramvajit me ndërtesën në Milano

Dy persona humbën jetën dhe 39 të tjerë u plagosën pas aksidentit që ndodhi pasdite në Viale Vittorio Veneto, Milano. Viktima e parë ishte një këmbësor 60-vjeçar, i goditur nga tramvaji që vinte nga Piazza della Repubblica drejt Porta Venezia. Viktima e dytë ishte një pasagjer në tramvaj. Linja 9 e tramvajit doli nga shinat rreth orës 16:00 në Piazza Vittorio Veneto, duke përfunduar kundër një ndërtese, konkretisht një vitrine dyqani. Hetimet po zhvillohen për të përcaktuar shkaqet e aksidentit; një hipotezë e parë është se tramvaji po lëvizte me shpejtësi të lartë në kthesën e Via Lazzaretto. Kryetari i bashkisë së Milanos, Giuseppe Sala, ishte në vendngjarje dhe e përshkroi aksidentin si “një tragjedi”, duke shtuar se hetimet do të vazhdojnë. /Klankosova.tv