Shkencëtarët politik serbë kundër hyrjes së Kosovës në Interpol

Një organizatë joqeveritare në Serbi “Shkencëtarët politik pa kufij”, kanë dalë me një deklaratë me anë të së cilës e kundërshtojnë pranimin e Kosovës në Interpol, duke e quajtur si absolutisht të pa pranueshme këtë nismë të Prishtinës, njofton Tanjug, përcjellë Klan Kosova. Organizata thotë se Kosova sipas Kushtetutës së Serbisë dhe Rezolutës 1244, është një krahinë autonome e Serbisë, jo një shtet i pavarur, i cili sipas të drejtës ndërkombëtare nuk ka plotësuar kushtet themelore për anëtarësim në Interpool. “Duke pasur parasysh mungesën e vullnetit politik të Prishtinës për formimin e Gjykatës Speciale për krime lufte në territorin e Kosovës, si dhe fakti se zyrtarët më të lartë në politikën kosovare janë me të kaluar kriminale dhe terroriste, organizata beson se pranimi i Kosovës në Interpol dëmton në mënyrë të konsiderueshme parimet bazë të neutralitetit politik dhe vizionin e një bote më të sigurt në të cilën Interpool është bazuar”.

klankosova.tv