Shkencëtarët ndërhyjnë në ADN për të larguar sëmundjet

Për herë të parë është realizuar operacioni i saktë në embrionet njerëzore, me qëllim të largimit të sëmundjeve, kanë deklaruar studiuesit kinez.

Ekipi nga Universiteti Sun Yat-sen kanë përdorë një teknikë të quajtur “editim i bazës”, me qëllim të përmirësimit të një gabimi të vetëm nga tre miliardë shkronja të kodit tonë gjenetik.

Ata kanë ndërhyrë në embrione të zhvilluara në laborator për të larguar sëmundje beta-thalassemia.

Këto embrione nuk janë vendosur në mitër.

Ekipi ka thënë që kjo teknikë shumë shpejt mund të trajtoj një numër të madh të sëmundjeve gjenetike.