Shkencëtarët me dizajn të ri të prezervativëve për më shumë rehati

Shkencëtarët kanë gjetur një mënyrë për t’i bërë prezervativët vetë-lubrifikues, të cilët bëhen më të rrëshqitshëm gjatë kontaktit.

Kjo falë një mbështjellësi të ri që është i qëndrueshëm gjatë tërë aktit, ka deklaruar ekipi studiues i mbështetur nga Fondacioni Bill dhe Melinda Gates.

Ata shpresojnë t’i bëjnë prezervativët me atraktiv për përdorim, kështu duke parandaluar infeksionet seksualisht të transmetueshme si dhe shtatzënitë e padëshiruara.

Në mungesë të lubrifikimit të nevojshëm prezervativët mund të shqyhen apo të rrëshqasin, si dhe gjatë seksit mund të përjetoni dhimbje.

Aktualisht prezervativët kanë lubrifikantë, gjë që i bën më të përshtatshëm për përdorim, mirëpo ndonjëherë kjo nuk është e mjaftueshme për rehati.