Sherr mes pesë të miturve në Kukës, lëndohet një 15-vjeçar

Disa të mitur janë përfshirë në një sherr ku për pasojë është lënduar një 15-vjeçar në qytetin e Kukësit. Sipas policisë, pesë prej tyre janë identifikuar dhe janë shoqëruar në Komisariat në prezencë të familjarëve dhe psikologëve. Ndërkohë bëhet me dije se 15-vjeçari ka marrë lëndime të lehta. “Në lagjen nr. 2, në qytetin e Kukësit, disa të mitur të moshës 15 dhe 16 vjeç, për motive të dobëta, janë konfliktuar me mjete rrethanore me njëri-tjetrin. Si pasojë, ka marrë dëmtime të lehta një i mitur 15-vjeçar. Shërbimet e Policisë kanë identifikuar 5 prej persona të mitur të dyshuar të përfshirë në konflikt, të cilët janë shoqëruar në Komisariat në prezencë të familjarëve dhe psikologes. Grupi hetimor, nën drejtimin e Prokurorisë, po punon për sqarimin e rrethanave dhe dokumentimin ligjor të ngjarjes“, thuhet në njoftimin e policisë, raporton Top Channel, transmeton Klankosova.tv.