Sherr mes dy të rinjve në Tropojë, plagoset me thikë 23-vjeçari

Një sherr mes dy të rinjve ka ndodhur mëngjesin e kësaj të marte në Tropojë. Dy të rinj për motive të dobëta janë zënë me njëri-tjetrin, ku për pasojë mbeti i plagosur një 23-vjeçar. Policia ka identifikuar dhe ka shpallur në kërkim 18-vjeçarin. “Në orët e para të mëngjesit, në spitalin e Tropojës, është paraqitur shtetasi A. B., 23 vjeç, banues në Dojan, me dëmtime që dyshohet se janë shkaktuar nga goditja me mjet prerës. Aktualisht ai po merr mjekim dhe është jashtë rrezikut për jetën.     Nga veprimet e para hetimore dyshohet se shtetasi A. B. është plagosur me mjet prerës gjatë një konflikti për motive të dobëta, nga shtetasi O. L., 18 vjeç, banues në Bajram Curri.  Shtetasi O. L. është shpallur në kërkim dhe vijon puna për kapjen e tij”, njofton policia. Ndërkohë, grupi hetimor, në drejtimin e Prokurorisë së Kukësit, vijon punën për zbardhjen dhe dokumentimin e rrethanave të këtij rasti./abcnews.al