Sekretari i Përgjithshëm i OKB-së, Antonio Guterres, ka mirëpritur vendimin e Iranit që Ngushtica e Hormuzit të mbetet e hapur për të gjitha anijet tregtare gjatë pjesës së mbetur të armëpushimit.
“Ky është një hap në drejtimin e duhur”, ka deklaruar Guterres, duke theksuar se qëndrimi i OKB-së mbetet i qartë për rikthimin e plotë të lirive ndërkombëtare të lundrimit në këtë zonë strategjike, transmeton Klankosova.tv.
Ai ka shprehur gjithashtu shpresë se ky vendim, së bashku me armëpushimin, do të kontribuojë në ndërtimin e besimit mes palëve dhe në forcimin e përpjekjeve diplomatike të ndërmjetësuara nga Pakistani.
●●●
KGSHKRIMI NGA
Kasim Gerbeshi
Editorial nga Klan Kosova — ndjek lajme dhe zhvillimet e tjera kryesore të vendit.
