SHBA-të dhe Kina bashkëpunim kundër testeve bërthamore të Koresë së Veriut

Presidenti amerikan, Barack Obama, ka thënë se Kina dhe SHBA-të do të bashkëpunojnë për të parandaluar teste të mëtejshme raketore nga Koreja e Veriut. Këtë gjë Obama e ka thënë të enjten në samitin ku u takua me presidentin kinez, Xi Jinping në Washington, transmeton Klan Kosova. Në javët e fundit, Koreja e Veriut ka kryer një test me bombë hidrogjeni, por disa orë pas kësaj agjencia e lajmeve shtetërore e Koresë së Veriut ka thënë se ata e kanë lëshuar edhe një raketë. Obama ka thënë se ai dhe Xi janë pajtur që mund të dekurajojnë testimin e raketave bërthamore që përshkallëzojnë tensionet si dhe shkelin obligimet ndërkombëtare.

Ministri i jashtëm kinez, Zheng Zeguang, ka thënë se presidentët kishin një shkëmbim të sinqertë dhe të thellë të pikëpamjeve mbi shumë çështje dhe që kanë arritur një konsensus të rëndësishëm.

Madje takimin mes dy presidentëve Zeguang, e quajti si takim “pozitiv, konstruktiv dhe të frytshëm”.