ShBA konfirmon pjesëmarrjen në raundin e dytë të negociatave me Iranin

Presidenti i Shteteve të Bashkuara të Amerikës, Donald Trump ka njoftuar se zyrtarët amerikan do të udhëtojnë këtë javë drejt Islamabad, Pakistan, për të zhvilluar raundin e dytë të negociatave me Iranin. Ndërkohë, zyrtarë iranianë i kanë thënë CNN se edhe një delegacion nga Irani pritet të shkojë në Pakistan, megjithëse raportimet e mediave shtetërore iraniane kanë hedhur më pas dyshime nëse Teherani do të marrë pjesë në atë që mund të jetë një raund i dytë bisedimesh, transmeton Klankosova.tv. Zëdhënësi i Ministrisë së Jashtme të Iranit, Esmaeil Baqaei, ka deklaruar më herët se “deri tani” nuk ka “plane për raundin e ardhshëm të negociatave”. Më poshtë një vështrim mbi delegacionin që pritet të marrë pjesë në këto bisedime, nëse ato zhvillohen, në emër të Shteteve të Bashkuara.