Shala në Arabi për bashkëpunim me të thellë ekonomik

Ministri Endrit Shala ka takuar Abdulla Ahmed Al Saleh, sekretarin për investime të huaja në Ministrinë e Ekonomisë së Emirateve. Të dy kanë diskutuar për thellim të bashkëpunimit ekonomik, njofton Klan Kosova. Ministri theksoi se me Al Saleh kanë biseduar miqësisht dhe e ka njoftuar atë për mundësitë që ofron Kosova për investime, “Emiratet e Bashkuara janë shembull se si një burim natyror është kthyer në mjet për zhvillim, por politikat e duhura ekonomike kanë bërë që ky burim tashmë të mos jetë gjeneruesi kryesor ekonomik", theksoi ministri Shala gjatë takimit. "Ne duhet ta përdorim kapitalin tonë njerëzor dhe ekonomike në mënyrë që të vazhdojmë me krijimin e politikave të duhura që thithin më shumë investitor, që rrisin punësimin, eksportin dhe zhvillojnë vendin”. Ministri Shala po qëndron në Emiratet e Bashkuara Arabe në konferencën vjetore të investimeve, me temë: “Platforma për Investime Botërore”, ku po marrin pjesë 140 shtete nga vendet e ndryshme të botës, e në mesin e tyre edhe Kosovës.

klankosova.tv