Shahini takon aktivistët e të drejtave të kafshëve

Kandidatja e PSD-së për kryetare të Prishtinës, Besa Shahini, ka takuar gjatë ditës së sotme aktivistët për të drejtat e kafshëve. Siç thuhet në njoftimin për media, në takim është diskutuar për praktikat më efektive të menaxhimit të situatës me qentë endacakë. “Nëse nuk adresohet burimi i problemit, që janë njerëzit që i braktisin qentë shtëpiakë, çështja e qenve të rrugës nuk do të zgjidhet kurrë”. “Pas largimit nga rruga dhe sterilizimit, politika kryesore duhet të jetë regjistrimi i qenve me pronar dhe parandalimi i braktisjes”, ka thënë Shahini, teksa ka bërë thirrje të votohet numri 149.