Serbia thotë se do ta pengojë formimin e ushtrisë së Kosovës

Ministri i Punëve të Jashtme të Serbisë, Ivica Daçiq ka thënë se Prishtina në bazë të Rezolutës 1244 nuk ka të drejtë që ta formojë ushtrinë e Kosovës dhe  se Serbia me të gjitha mjetet politike do të luftojë kundër formimit të saj.

"Ata nuk munden që pa votat e Listës Serbe të sjellin  një vendim të tillë. Për një gjë të tillë nuk kanë të  drejtë në bazë të rezolutës 1244 dhe një vendim i tillë do të ishte  i paligjshëm. Sipas kësaj rezolute  të vetmet forca të  armatosura janë ato të OKB-KFOR-it", ka thënë ai për Radio Televizionin e Serbisë, transmeton Klan Kosova.