Senati refuzon David Kostelancikun për ambasador të ShBA-së në Shqipëri

Senati amerikan nuk e ka miratuar emërimin e David Kostelancikut si ambasador i Shteteve të Bashkuara të Amerikës në Shqipëri. Senati i ka kërkuar presidentit të ShBA-së, Joe Biden, që të miratojë një kandidat të ri për postin e ambasadorit amerikan në Tiranë. David Kostelancik u emërua si ambasador i Shteteve të Bashkuara në Tiranën zyrtare nga Presidenti Biden më 24 Janar 2023, por Senati nuk e ka miratuar këtë kandidaturë. Kostelancik ka shërbyer në Shqipëri edhe më përpara në periudhën 1992-1994, si përfaqësuesi i parë për çështjet politike dhe ekonomike në ambasadën e porsahapur amerikane në Tiranë. Para emërimit si ambasador, ai shërbente si Këshilltar për Politikën e Jashtme i Shefit të Shtatmadhorisë amerikane, Gjeneralit Mark Milley. Kostelancik është një diplomat me një karrierë 30-vjeçare. Ai ka shërbyer dy herë në Ambasadën amerikane në Moskë, në misionet e ShBA-së në OSBE dhe NATO, si edhe në Ankara të Turqisë. Ai flet rusisht, hungarisht, shqip dhe turqisht. /tvklan