Sëmundja Parkinson mund ta ketë origjinën në zorrë

Sëmundja e trurit Parkinson origjinën mund ta ketë në thellësi të sistemit tretës, kanë deklaruar shkencëtarët amerikanë.

Në një studim të realizuar së fundmi thuhet se personat që kanë larguar zorrën qorre kishin më pak gjasë të zhvillonin sëmundje neurodegjenerative.

Zorra qorre, gjatë e menduar si e panevojshme për trupin e njeriut, përmban një substancë që vret qelizat e trurit.

Sipas shoqatës Parkinson's UK, këto të gjetura janë provat më të mira deri më tani që tregojnë se origjina e kësaj sëmundje është jashtë trurit.

Tek personat e prekur nga Parkinson, proteinat toksike mblidhen në tru duke i ngulfatur nervat, në veçanti ato që lidhen me lëvizjet.