Selimi: Prokuroria do duhej ta kuptonte se kurdo që të kthehem, unë do kthehem në Kosovën e lirë

Rexhep Selimi ka folur për kërkesën e Prokurorisë për dënim më 45 vjet burgim për secilin nga ish-krerët e UÇK-së. Ai tha se ky dënim mund t’i ndalojë ata përgjithmonë që të kthehen në Kosovë, transmeton Klankosova.tv. Megjithatë, sipas tij, ZPS-ja do duhej ta kuptonte se kurdo që të kthehej ai, do kthehej në Kosovën e lirë. “Prokuroria në dosjen e saj përfundimtare kërkon dënime jashtëzakonisht të rënda. Aq të gjata saqë në thelb synojnë të na ndalojnë përgjithmonë kthimin në vendin tonë. Koha se kur të kthehem në Kosovë, tash e tutje është në duart tuaja, por Prokuroria do duhej ta kuptonte, se kurdo që të kthehem, unë do kthehem në Kosovën e lirë”, tha Selimi.