Satelitët e “SpaceX” përshkojnë qiellin e Kosovës

Mbrëmjen e sotme, ajo që njihet si “treni i satelitëve” të kompanisë amerikane SpaceX, që njihen si Starlink, kanë përshkuar qiellin e Kosovës. Lexues të Klankosova.tv na kanë dërguar pamjet që i kanë kapur në qiellin e Kosovës me satelitët e njëpasnjëshëm. Pamjet që do t’i shihni më poshtë janë shkrepur nga fshati Gadime i Lipjanit dhe janë dërguar nga një lexues i Klankosova.tv. Sipas faqes që monitoron lëvizjet e satelitëve të Starlink, "treni" ka kaluar mbi Kosovë në orën 17:31. Autoriteti Rregullator i Komunikimeve Elektronike dhe Postare (ARKEP) në Kosovë ka konfirmuar kohë më parë se shërbimet satelitore të kësaj kompanie do të funksionalizohen në dhjetorin e sivjetmë në vendin tonë. Starlink është kompani që ofron internet satelitor në mbi 100 shtete dhe territore dhe zotërohet prej kompanisë hapësinore amerikane, SpaceX, të miliarderit Elon Musk. Ndiqni pamjet: https://youtu.be/HJgJ_tBcLr8