“Sagrada” e Barcelonës bëhet kisha më e lartë në botë

Sagrada Familia është bërë kisha më e lartë në botë, pasi punëtorët vendosën pjesën e parë të një kryqi në majë të kullës së saj qendrore. Me një lartësi prej 162.91 metrash, bazilika spanjolle zyrtarisht ia ka thyer rekordin Minsterit të Ulmit në Gjermani, i cili e ka mbajtur kurorën që nga viti 1890, shkruan BBC, transmeton Klankosova.tv. I projektuar nga arkitekti i njohur Antoni Gaudi, kisha ka qenë në ndërtim e sipër në qendër të Barcelonës për më shumë se një shekull, me ndërtesën kryesore që pritet të përfundojë vitin e ardhshëm. Kulla qendrore e Jezu Krishtit do të rritet me shtimin e pjesës tjetër të kryqit gjatë muajve të ardhshëm, duke arritur përfundimisht lartësinë 172 metra.