Rubikon sonte: Çka ndodhi në Ujman?

Në emisionin e sotëm debatues, Rubikon në Klan Kosova, do të diskutohet për çështjen e zbarkimit të Forcave të Armatosura të Kosovës në veri, gjegjësisht në Liqenin e Ujmanit.

Kjo vendosje e trupave të FSK-së u bë me kërkesë të institucioneve të atjeshme, për të ndihmuar në gjetjen e trupit të Rrahim Latifit, personit që kërceu nga ura e Ujmanit më 27 korrik.

Dislokimi i ushtarakëve kosovarë u bë temë diskutimi në opinion gjatë ditës së sotme, me pretendime të ndryshme nga palë të ndryshme.

E pikërisht këtyre pretendimeve do të provohet t'u jepen përgjigje sonte në Rubikon.

Gjithashtu, do të diskutohet edhe për çështjen e (mos)konstituimit të Kuvendit me panelistët e sotëm:

-Çka ndodhi në Ujman?

-Si u politizua operacioni i FKS-së për kërkim?

-Çka u tha në reagimin e KFOR-it?

Këto dhe zhvillimet politike që lidhen me konstituimin e Kuvendit të Kosovës, i diskutojmë sonte me panelin e përbërë nga Rrahman Rama, Ardiana Thaçi, Shkumbin Kajtazi, Avni Arifi dhe Azdren Shala, në Klan Kosova nga ora 20:45.