Lajmet e fundit
Kongresisti amerikan Eliot Engel gjatë qëndrimit të tij në qytetin e Gjakovës ka marrë pjesë në ceremoninë e emërtimit të rrugës Ponoshec-Qafë Morinë me emrin e tij.
Në pritje në pikën kufitare në Qafë Morinë, amerikanin që njihet si miku i madh i shqiptarëve e pritën shumë qytetarë dhe figura tjera politike si presidenti i Shqipërisë Ilir Meta, kryetari i komunës së Gjakovës Ardian Gjini si dhe Rifat Jashari.
Në fillim të këtij organizimi u intonuan himnet e shtetit të Kosovës, ai kombëtar dhe amerikan.
Me këtë rast, Engel u shpreh i lumtur për nderin që i është bërë.
"Është ndjenjë e mirë kur diçkaje i vihet emri juaj, aq më mirë kur kjo bëhet kur ju jeni gjallë dhe e shihni këtë nder", ka thënë kongresisti amerikan.
Në këtë manifestim, Eliot Engel u shpall edhe "Qytetar Nderi" i komunës së Tropojës nga kryetari i saj Besnik Tushaj.
