Rritja ekonomike e Eurozonës mund të bjerë në zero

Çmimi i lartë i energjisë ka bërë që norma vjetore e inflacionit në Eurozonë të arrijë në 9.1 përqind gjatë gushtit, dhe ka vlerësime që ajo këtë muaj mund të arrijë në 9.6 përqind. Sipas Zëvendëspresidentit të Bankës Qendrore Evropiane, Luis de Guindos, rritja ekonomike mund të ketë luhatje dhe shumë shpejt mund të bjerë në zero, raporton Reuters, transmeton KlanKosova.tv. “Do të shohim një ngadalësim të dukshëm në aktivitetin ekonominë në çerekët tre dhe katër dhe mund ta gjejmë veten me normë të rritjes afër zeros”, ka thënë De Guindos. Prodhimi ekonomik është duke e paguar rritjen e çmimit të energjisë dhe humbja e gazit natyral rus, çka shkakton rritje të rrezikut të racionalizimit të konsumit të energjisë gjatë sezonit të ardhshëm të ngrohjes.