Rritet koha e pritjeve për të dalë nga Merdarja, mërgimtarët po presin deri në dy orë

Pritjet për të dalë në pikën kufitare tokësore në Merdarë aktualisht janë një orë e gjysmë deri në dy orë. Ndërsa kolona e veturave në këtë pikë kufitare, sillet 500-600 metra, raporton Klankosova.tv Kurse në Muçibabë pritjet po shkojnë në 40 minuta, ndërsa gjatësia e kolonave aty është deri në 250 metra. Daljet nga Dheu i Bardhë momentalisht janë 20 minuta. Në tjerat pika kufitare situata është më e qetë, ku hyrje-daljet shkojnë nga 5 deri në 10 minuta.