Rrihen mes vete tre familjarë në Shtime, bëhen për spital

Tre persona kanë pësuar lëndime, si pasojë e rrahjes mes vete. Ngjarja ka ndodhur në rrugën "12 Qershori" në Shtime, dhe mësohet se ata që u rrahën ishin familjarë në mes vete, njofton Klankosova.tv. Rastin për Klankosova.tv, e ka konfirmuar zëdhënësi i policisë për rajonin e Ferizajt, Kanun Veseli. Si pasojë e lëndimeve, tre familjarët për tretman mjekësor janë dërguar në Qendrën Emergjente në Ferizaj. "Rreth orës 19:33, policia e stacionit në Shtime ka pranuar një informate për një rrahje në rrugen ,,12 Qershori” ne Shtime", tha Gashi. "Patrullat e policisë menjëherë kanë dalë në vendin e ngjarjes dhe aty kanë mësuar se tre persona anëtarë të familjes, dyshohet për dhunë në familje, kanë pësuar lëndime trupore dhe pas marrjes së ndihmës së parë në Qendrën e Mjekësisë Familjare në Shtime, për tretman të mëtutjeshëm mjekësor janë dërguar në Qendrën Emergjente në Ferizaj". Për të gjitha veprimet policore është njoftuar prokurorit i shtetit dhe rasti po hetohet.