Rrëzohet helikopteri ushtarak në Ganë, 8 të vdekur, përfshirë 2 ministra

Një helikopter ushtarak u rrëzua në Ganë të mërkurën në mbrëmje, duke vrarë tetë persona, përfshirë Ministrin e Mbrojtjes Edward Omane Boama, Ministrin e Mjedisit Ibrahim Murtala Muhammed dhe dy zyrtarë të tjerë të lartë. Ky aksident është një nga katastrofat më të këqija të aviacionit në Ganë në 10 vitet e fundit. Ushtria tha se helikopteri u ngrit nga kryeqyteti Accra dhe ishte në rrugën e tij drejt zonës minerare të Obuasi, në veriperëndim të vendit. Menjëherë pasi hyri në rajonin e Ashtanit, avioni u zhduk nga radari dhe rrënojat u gjetën më vonë, raporton Euronews, transmeton Klankosova.tv. Ushtria deklaroi se shkaku i aksidentit nuk dihet ende dhe se ka nisur një hetim zyrtar. Në aksident humbën jetën edhe nënpresidenti i Kongresit Demokratik Kombëtar, Samuel Sarpong, dhe Këshilltari i Lartë i Sigurisë Kombëtare, Muniru Muhammed, së bashku me katër anëtarë të tjerë të ekuipazhit. Qeveria ganeze e përshkroi rrëzimin e helikopterit si një “tragjedi kombëtare”.