Roth: BE dhe ShBA të ndalojnë së banalizuari atë që po ndodh në Serbi

Kryetari i Komisionit për Punë të Jashtme të Bundestagut gjerman, Michael Roth, i bëri thirrje BE-së dhe ShBA-së që të insistojnë në hetimin dhe përsëritjen e zgjedhjeve të mbajtura në Serbi më 17 dhjetor. “Shtetet e Bashkuara të Amerikës dhe Bashkimi Evropian e bëjnë veten krejtësisht jo bindëse nëse vazhdojnë të banalizojnë ngjarjet në Serbi. Zgjedhjet duhet të kontrollohen dhe të përsëriten. Regjimi serb duhet të ndalojë politikën e sharrave mes Rusisë dhe Perëndimit. Vuçiqi kërcënon paqen në Ballkanin Perëndimor”, ka shkruar Roth në rrjetin social X (ish-Twitter). Së bashku me komentin e tij, Roth ndau një tekst autorial të Dragan Gjilas për “Politico”, në të cilin kreu i Partisë Liri dhe Drejtësi vlerëson se edhe në botën e sotme komplekse, mbështetja perëndimore për Vuçiqin, i cili akuzon Perëndimin për nxitjen e trazirave në vendin e tij, është befasuese. Kjo nuk është hera e parë që Roth i ka bërë thirrje BE-së dhe ShBA-së që të ndryshojnë politikën e tyre ndaj Serbisë, prandaj kryeministrja Ana Bërnabiq e akuzoi dikur në rrjetet sociale për “përhapjen e gjuhës së urrejtjes kundër Serbisë”.

??+?? machen sich komplett unglaubwürdig,wenn sie die Entwicklungen in Serbien weiter verharmlosen. Die Wahlen müssen überprüft+wiederholt werden. Das ??Regime muss die Schaukelpolitik zwischen ??+Westen stoppen. Vucic gefährdet den Frieden im Westbalkan. https://t.co/Nj3anTVMUd

— Michael Roth - official ?????? (@MiRo_SPD) January 4, 2024