Ronaldo ma vodhi topin e artë – thotë Ribery

Franck Ribery ka thënë se Topi i Artë për vitin 2013 është vjedhur nga ai. Sipas Riberys, është e pakuptueshme se si Cristiano Ronaldo fitoi atë vit, kur ishte Ribery që pati shumë suksese. Atë vit Ribery ishte lojtari kryesor kur Bayern edhe e fitoi Ligën e Kampionëve 2-1 kundër Borussia Dortmund në Ëembley. “U pata ndjerë sikur ma vodhën”, ka thënë Ribery për Canal Football Club. “Është e pakuptueshme, unë pata fituar çdo trofe, më shumë s’kam pasur mundësi të bëj. Ishte padrejtësi”. “Por as vendin tim nuk e pata prapa. E pash me sytë e mi se Franca tha që Cristiano duhet ta fitojë. A ka dashur ndonjëherë Portugalia që Ribery apo Messi të fitojë? Natyrisht që jo”. “Në 2010-ën atyre iu desh dikush ta fajësonin. Çdo kush mendonte se unë isha problemi, madje edhe prindërit e mi”. “Nuk do ta harrojë kurrë se si u sollën disa media franceze. Këto janë plagë që do qëndrojnë me mua përgjithmonë”.

klankosova.tv