Rinisin fluturimet në aeroportin e Rinasit pas ndërprerjes për shkak të stuhisë

Pas një stuhie të madhe që përfshiu Shqipërinë mesditën e së shtunës, fluturimet në Aeroportin e Rinasit kanë rinisur, pasi u ndërprenë për disa minuta. Kujtojmë që një stuhi e madhe përfshiu Shqipërinë e karakterizuar nga era e fortë dhe shirat. Reagimi nga aeroporti ‘Nënë Tereza’ “Mot i keq ka ndikuar përkohësisht në operacionet e Aeroportit ‘Nënë Tereza’ në Rinas. Megjithatë, aeroporti konfirmon se puna ka vijuar normalisht pas një pezullimi prej vetëm 30 minutash për sigurinë e pasagjerëve. Fluturimet janë rikthyer në ritmin e tyre të zakonshëm dhe në këtë moment, po realizohen ulje avionësh me destinacione në vendet fqinje”, thuhet në reagim./Euronews.al/.