Lajmet e fundit
Autorët e një sulmi kibernetik të kohëve të fundit në Ukrainë që kanë ndërprerë bizneset anembanë botës duket se kanë hyrë në pagesat e shpërblimit që ngritën.
Pak më shumë se 7,900 denarë monedhë virtuale është zhvendosur nga adresa e Bitcoin e listuar në kërkesën e shantazhimit që u shfaq në kompjuterët e hakuar, transmeton Klan Kosova.
Një ekspert tha se kishte pak dyshime se fondet ishin përdorur nga ata që ishin përgjegjës për krimin.
Dhe duket se tani kanë bërë një kërkesë të re shpërblyese.
Megjithatë, analistët sugjerojnë se masa ka për qëllim të ngatërrojë hetimet në këtë çështje.
Në zhvillimet e tjera lidhur me këtë, ministri i brendshëm i Ukrainës ka thënë se policia ka arritur të parandalojë një valë të dytë të sulmeve duke mbyllur dhe konfiskuar serverat kompjuterikë të përdorur nga një kompani lokale softuerike, e cila mendohet të ketë ndihmuar padashur përhapjen e virusit variant Petya.
