Rikalo premton përkrahje për agrobizneset

Ministri i Bujqësisë Nenad Rikalo, ka vizituar kompaninë M&Sillosin. Ai ka thënë se ministria e tij përmes programeve të saj mbështetëse, do të vazhdojë përkrahjen e agrobizneseve vendore që merren me prodhimin dhe përpunimin e prodhimeve bujqësore. Gjatë kësaj vizite, ministri Rikalo është njoftuar me punën e kësaj fabrike të miellit dhe me sfidat që përballen prodhuesit e këtij sektori, njofton Klan Kosova. Me këtë rast, ministri Rikalo i ka njoftuar ata se në Programin për Bujqësi dhe Zhvillim Rural dhe Programin e Pagesave Direkte të vitit të ardhshëm, do të zgjerohet përkrahja për agrobizneset vendore, si dhe për shumë sektor të bujqësisë, përmes së cilës përkrahje ai tha se synojnë rritjen e cilësisë së prodhimeve vendore dhe zgjerimin e modernizimin e agrobizneseve. Nga ana tjetër, udhëheqësit e kësaj fabrike theksuan se mbështetja e ministrisë për agrobizneset vendore po ndikon që prodhimet e tyre të jenë edhe konkurrente me shumë prodhime të huaja.

klankosova.tv