Lajmet e fundit
Si pasojë e reshjeve të pandërprera të shiut një pjesë e lumi Vardar në Shkup ka dal nga shtrati.
Kryetari i Shkupit, Petre Shilegov, tha se situata është nën kontroll dhe se janë marrë masat e nevojshme.
“Sot në mëngjes lumi Vardar ka dal nga shtrati në pjesën afër qeverisë. Ekipet janë në terren, e ndjekin situatën dhe kanë marrë masa për tu ndaluar rrjedha. Kjo është edhe një dëshmi tjetër se çfarë dëmi i është bërë qytetit dhe qytetarëve me projektin “Shkupi 2014”, deklaroi Shilegov.
Në rajonin e Shkupit, reshjet që kanë filluar nga dje, kanë bërë që të rritet niveli i ujit në lumin Vardar. Në pamjet e filmuara nga ekipi i Alsat-M shihet rrjedha e rrëmbyeshme e ujit në shtratin e lumit. Ndërkohë reshjet e shiut kanë shkaktuar probleme edhe nëpër rrugët e disa lagjeve të kryeqytetit. Në Çair rrugët janë të mbushura me ujë me çka ka vështirësuar komunikacionin, raporton Alsat-M, transmeton Klan Kosova.
