Miss Serbia, Valentina Petroviq është penduar për shqiponjën që bëri krah Miss Kosova, Miss Shqipëria dhe Miss Mali i Zi.
Vajzat pozuan bashkë duke bërë me duar shqiponjën dykrenore. Por gjesti i Miss Intercontinental Serbia Valentina Petroviq, i ka habitur të gjithë duke shkaktuar shumë zhurmë në rrjetet sociale, njofton Klankosova.tv.
Përmes një postimi të ri në Instagram, Petroviq ka thënë se u pendua për këtë veprim që ka bërë, dhe iu kërkoi falje të gjithëve. Përveç kësaj, ajo tha se do të dorëhiqet nga gara.
“Dua të bëj një njoftim publik për foton që po qarkullon në rrjetet sociale! Në një eufori të vrullshme për festën më ftuan të bëja një foto, qëndrova pranë vajzave me shpejtësi të madhe dhe vajzat m’i vunë duart në eufori. Nuk kisha qëllime të këqija, ishte një moment pakujdesi dhe spontaniteti budalla.
Unë dua t’i kërkoj falje të gjithë kombit tim, popullit të Kosovës dhe Metohisë, shoqërisë sime, familjes sime që janë konfuzë për shkak të fotografisë së bërë dhe pamaturisë sime dhe rënies në grackën e qëllimeve të këqija të dikujt tjetër. Unë e dua dhe inkurajoj vendin tim dhe vlerat e tij. Shteti ynë është simboli i vetëm që mbaj në zemër. Unë thjesht nuk mendoja kur ndodhi ky akt.
Më vjen shumë, shumë keq, ndaj, përveç një ndjese të thellë, mora vendimin t’u kërkoja leje organizatorëve për t’u larguar nga konkursi dhe kështu të çlirohem nga presioni aktual që po mbaj. Më vjen shumë keq për këtë, por thjesht ndodhi në mënyrë të pamatur. Më duken të vështira të gjitha mesazhet dhe kritikat, por keni të drejtë. Më falni, shpresoj të më kuptoni”,deklaroi Miss Serbia.
●●●
VSHKRIMI NGA
V.R.
Editorial nga Klan Kosova — ndjek prive dhe zhvillimet e tjera kryesore të vendit.
