Raportohet se 19 trupa janë nxjerrë nga vendi i aksidentit ajror në Amerikë

Burimet mediatike raportojnë se trupat e pajetë janë nxjerrë nga vendi i rrëzimit të avionit në Washington DC. Një fluturim i American Airlines i drejtuar nga PSA u përplas me një helikopter ushtarak teksa po i afrohej aeroportit kombëtar të Washingtonit.

NBC Washington, duke cituar dy burime të afërta me përpjekjet e rikuperimit, raporton se "ekuipazhet e kërkim-shpëtimit kanë nxjerrë trupat e njerëzve që vdiqën në përplasje", me BBC që jep numrin e trupave të gjetur në 19.

Avioni mbante 60 pasagjerë dhe katër anëtarë të ekuipazhit, ndërsa helikopteri ushtarak Black Hawk kishte tre persona në bord, shkruan The Guardian, transmeton Klankosova.tv.

Avioni ishte nisur nga Wichita, Kansas.