Kryeministri i Shqipërisë, Edi Rama, përmes një postimi në "X", është shprehur se e ka falenderuar kancelarin gjerman, Olaf Scholz për udhëheqjen e tij, me rastin e Kongresit të SPD-së që po zhvillohet në Berlin.
Ai duke shkruar për Procesin e Berlinit, u shpreh se Shqipëria do të mbetet thellësisht e përkushtuar ndaj tij, përcjell Klankosova.tv.
"Me rastin e Kongresit të SPD në Berlin, falënderoj sinqerisht kancelarin Olaf Scholz për udhëheqjen e tij. Procesi i rinovuar i Berlinit është vetëm një nga shumë sukseset e miqve dhe aleatëve tanë në Berlin. Shqipëria do të mbetet thellësisht e përkushtuar ndaj këtij procesi si platforma kryesore për bashkëpunimin e nivelit të lartë në Ballkanin Perëndimor", shkroi tutje Rama.
●●●
GSHKRIMI NGA
G.U
Editorial nga Klan Kosova — ndjek lajme dhe zhvillimet e tjera kryesore të vendit.
