Kryeministri i Shqipërisë, Edi Rama ka njoftuar se dronët Bayraktar të Forcave të Armatosura të Shqipërisë, tashmë kanë edhe detashmentin e tyre të certifikuar të mjeteve fluturuese pa pilot.
Rama tha se oficerët, nënoficerët dhe ushtarët tanë të këtij detashmenti u trajnuan për katër muaj në Keshan të Turqisë.
“Dronët Bayraktar të Forcave të Armatosura kanë tanimë edhe detashmentin e tyre të certifikuar të Mjeteve Fluturuese pa Pilot. Oficerët, nënoficerët dhe ushtarët tanë të këtij detashmenti u trajnuan për 4 muaj në Keshan të Turqisë dhe sot janë në gatishmëri si pilotë, elektroteknikë, mekanikë dhe operatorë ngarkesash, duke rritur aftësitë dhe zgjeruar kapacitetet operacionale të Forcës Ajrore dhe Forcave të Armatosura”, shkroi Rama.
●●●
ASHKRIMI NGA
albert
Editorial nga Klan Kosova — ndjek lajme dhe zhvillimet e tjera kryesore të vendit.
